Við hjá Óháða söfnuðinum viljum bjóða okkar nýja safnaðarpresti, séra Guðrúnu Eggerts Þórudóttur, innilega velkomna í sína fyrstu messu. Verið öll innilega velkomin að halda upp á þessi skemmtilegu tímamót með okkur og að sjálfsögðu er maul eftir messu.

Síðasta messa séra Péturs Þorsteinssonar hjá Óháða söfnuðinum verður 11. maí kl. 14.00 og þjónar hann til altaris. Vegna þessara tímamóta verða bornar fram sérlegar veitingar eftir messu á báðum hæðum í Kirkjubæ og mun kirkjugestum þá bjóðast tækifæri til að kveðja prestinn sinn eftir „30 ára þrotlaust þróunarverkefni“ sem prestur Óháða safnaðarins.