Mánaðarskipt færslusafn fyrir: ágúst 2019

Óháði söfnuðurinn fagnar haustinu í Gufunesbæ

Miðvikudaginn 21. ágúst var fjölskylduferð Óháða safnaðarins í Gufunesi. Fjöldi fólks mætti og gæddi sér á pylsum, gosi og prins pólói. Veðrið var frábært og aðstaðan mjög góð. Skemmtilegt leiksvæðið gladdi ungviðið og Pétur og Kristján tóku lagið.

Við þökkum fyrir komuna og hlökkum til að sjá ykkur í starfi safnaðarins í vetur sem hefst sunnudaginn 25. ágúst með fyrirbænaguðsþjónustu kl. 20:00.

Fjölskylduferð í Gufunes 21. ágúst kl. 18:00 (ath. breytt staðsetning)

Miðvikudaginn 21. ágúst, eru allir hvattir til að mæta í Gufunes með stórfjölskylduna og skemmta sér í fallegu umhverfi með góðum hópi vina og vandamanna. Leikaðstaða fyrir börn er frábær, klifrugrind, rennubrautir og sandkassi.

Mæting er kl. 18.00 og boðið verður upp á grillaðar pylsur og drykki.

Lesa áfram Fjölskylduferð í Gufunes 21. ágúst kl. 18:00 (ath. breytt staðsetning)