Mánaðarskipt færslusafn fyrir: október 2018

Jazz/Hammondmessa og barnastarf n.k. sunnudag 28. október kl. 14:00

Jazzmessa verður að vanda hjá söfnuðinum og nú með nýja Hamondinum okkar sem er talið vera eðal hljóðfæri.                          Séra Pétur Þorsteinsson predikar og þjónar fyrir altari og messugutti er Guðrún Halla Benjamínsdóttir. Óháði kórinn leiðir sönginn og syngur jazzaða sálma undir stjórn organista Óháða Kristjáns Hrannars Pálssonar. Einnig mun Óskar Kjartansson tromuleikari slá taktinn með kór og kórstjóra í messunni. Barnastarfið verður á sínum stað.

Maul verður eftir messu að vanda og mun Ólafur Kristjánsson taka vel á móti öllum.

Hlökkum til að sjá sem flesta og njóta söngsins og samverunnar.

Fjölskylduguðsþjónusta og töfrabrögð 14. október kl. 14:00

Galdramessa og styrktarkaffi verður haldið sunnudaginn 14. október næstkomandi. Galdra-klerkurinn, sr. Pétur, þjónar fyrir altari. og messugutti er Petra Jónsdóttir. Óháðikórinn leiðir sönginn, svör og sálma, við undirleik organistans Kristjáns Hrannars Pálssonar. Einnig munu Svetlana Veschagina, tónskál og píanóleikari ásamt systur hennar Valeriia Astakhova sópransöngkonu flytja lag við upphaf messu úr Rússneskum tónlistararfi. Barnastarfið verður á sínum stað og leiða Markús og Heiðbjört það.

Hlaðborð af alls kyns góðgæti og veigamikið kirkjukaffi verður í Kirkjubæ á eftir til styrktar Óháðakórnum. Frjáls framlög eru en lámarksgjald fyrir hlaðborðið er 1500 kr. fyrir alla eldri en 12 ára, 500 kr. fyrir yngri kynslóðina og frítt fyrir allra yngstu börnin. Ágóðinn rennur óskiptur til kórsstarfs og uppbyggingu Óháðakórsins sem er nýstofnaður kór við söfnuðinn. Athugið að ekki verður posi á staðnum.

Hlökkum til að eiga stund með ykkur sem flestum og mun Ólafur Kristjánsson taka vel á móti messugestum.