Hin árlega gönguguðsþjónusta  í samstarfi við Hornstrandafara FÍ verður farin 6. júní  og hefst með messu kl. 9

Baldvin Ólafsson trompetleikari kemur og leikur fyrir okkur tónlist eftir Telemann og kórinn syngur fyrir okkur sálmana:

508  Nú er ég klæddur og kominn á ról

9     Lofsyngið Drottni

6     Drottinn,ó,Drottinn vor

518  Ísland ögrum skorið

Að þessu sinni verður gengið meðfram Þjórsá að vestanverðu fyrir ofan Árnes.  Gengið verður um svæðið á milli Þjórsárholts og Gaukshöfða.  Gott gönguland er meðfram ánni og er leiðin nánast á jafnsléttu.  Gönguvegalengdin er u.þ.b. 13 km. Eftir gönguna verður farið í sund að Laugalandi í Holtum og eftir það verður kvöldverður í Hestheimum og sungið og trallað á eftir. Áætluð heimkoma er um eða fyrir miðnætti.

Verð fyrir rútu, kvöldverð og sund er kr. 6.500.- og greiðist í rútunni í reiðufé.

Allir hvattir til að mæta og eiga góða stund saman.

Skráning á tölvupósti Þetta netfang er varið fyrir rusltölvupósti, þú þarft að hafa Javascript virkt til að skoða það   og tilkynna nafn og fjölda fyrir 2. júní eða í síma 568-2533.

Guðsþjónusta - barnastarf - aðalfundur

Guðsþjónusta og altarisganga kl. 14

Kári Allansson, organisti, leiðir kór og kirkjugesti í almennum söng.

Eftirfarandi sálmar verða sungnir að þessu sinni:

Nr. 591 Ó, Guð, ég veit hvað ég vil

Nr. 152 Nú rís og brosir röðull nýr

Nr. 161 Hirðisraust þín, Herra blíði

Nr.    9 Lofsyngið Drottni

Nr. 709 Þú heyrir spurt

Guðrún Halla Benjamínsdóttir verður í  móttökunni og Ragnar Kristjánsson er meðhjálpari að þessu sinni.

Barnastarfið er á sama tíma en það er í umsjón Hildar og Elíasar. Við hvetjum alla forerldra og forráðamenn barna að koma með börnin til kirkju og þannig gefa þeim tækifæri að taka þátt í starfi kirkjunnar.

Maul eftir messu.

Aðalfundur Óháða safnaðarins

Um kl. 15.30 hefst aðalfundur Óháða safnaðarins.

Fundarstaður Kirkjubær, safnaðarheimili Óháða safnaðarins. 

Dagskrá:

Venjuleg aðalfundarstörf

Önnur mál

Hlökkum til að sjá þig og þína og minnum á að ef þú villt lifandi kirkju og blómlegt starf ... þá er ekkert annað í boði en að mæta og taka þátt.